ball... lögga... stúdent... síkátur sjóari

Jæja sit hérna heima hjá mér, nokkuð ónýt eftir gjærkvöldið að spjalla við erlu maríu:)

 

fréttaskot.

 ég náði mér í stúdentinn 21 maí... ekki neitt  smá ánægð með það... nú bíð ég bara eftir svari frá háksólunum:*)

Fagnaði mikið úrslitum kosninganna í Reykjavík, en reiddist niðurstöður keflavíkur. Ég var meira segja spurð af því hvort Keflvíkingar myndu hrjást af Stokkholm heilkenninu... og ég vitið menn ég held það bara... vona það meira að segja því ef svo er ekki þá hljóta þessir suðurnesjabúar vera vitlausir, og þar sem ég vil nú segja fólk vitlaust hef ákveðið að trúa því að keflavíkingar séu með heilkennið:) hehe... 

 

Ég fór á Dalton ball í Grindavík í gær, og skemmti mér alveg KONUNGLEGA... dansaði eins og vitlisingur:p hehe það er svo gaman á balli.

ég trúði nú sammt ekki mínum eigin augum þegar maður einn var borin út af staðnum áfengisdauður, hann sýndi engin viðbrögð. löggan kom á staðin og fór að sinna manninum, þegar þeir voru að byrja að lifta honum upp sparkið fullur einstaklingur í einn löggumannin. 

allir lögreglumennirni ( þeir voru 4 eða 5) slepptu takinu á áfengisdauða manninum með þeim afleiðingum að hann skall í jörðina og fóru rakleiðis í það að berja fulla gaurinn með svipu... ég missti andlitið, ekki nóg með það að ég vissi ekki einu sinni að löggan myndi nota svipu, heldur var líka mikil mannþröng og þessar svipur hefðu geta slegist í hvern sem er... ég mjög hneiksluð á þessum vinnubrögðum þeirra, og á með á þessu stóð var enginn að sinna áfengisdauða manninum, ég og nokkrar konur fórum að honum til þess að reyna að sinna honum eitthvað, dágóður tími leið áður en löggan snéri sér aftur að áfengisdauða manninum. 

ekki veit ég hvernig maðurinn sem laminn var með svipunni lítur út í dag, og í raun langar ekki einu sinni að sjá það.

ég er yfir mig hneiksluð, mér finnst löggan vera orðin spillt og ég hreinlega trúi því ekki að þetta sé löglegt. en hvað veit ég... ég er engin lögga.

 

ég ætla að láta þetta duga í bili...

 

knudsen 

óver and át

háskólastress... háskóla rugl...

Jæja nú er ég búin að vera alveg á fullu að sækja um í háskólanum... Er að fara a taugum, því einungis komast 80 einstaklingar inn... ég verð að vera ein af þeim...:/

ég er sammt alveg að verða vitlaus á þessarri umsókn... það er nánast að þú þurfir að segja hvenar þú fórst seinast á klósettið.. hehe þetta þarf að vera svo rosalega nákvæmt..

en allavegana, ég er búin að skrifa um það hversvegna, ég vil endilega stunda lögfræðinám, ég er búina að skrifa um allt sem ég hef gert og hvaða nám ég hef tekið. ég er einnig búin að tjá mig um það hvers vegna þessi skóli en ekki einhver annar... svo ég held ég sé búin að koma þessu öllu niður á blað. á bara eftir að setja þettta allt upp í betra, formlegra mál...

þannig að... síðan fæ ég ekki svar fyrr en á milli 25 og 30 júní... og ég þoli ekki að bíða, þetta er alveg að fara með mig... 

en ég ætla að setja hérna fyrir neðan verkefni sem ég gerði haustið 2007 með vinkonu minni þegar við vorum í viðskiptalögfræði... plz viljið þið segja mér hvort þetta verkefni sé nógu gott til að senda með, hvort þetta síni eitthvað áhuga minn á þessu sviði... og PLZ vera gagngrínin... ekki fela skoðanir, þetta snýst jú eftir allt um framtíð mína í háskólanum:p

 

 

Er pottur brotinn í stjórnaskrá Íslendinga

Í 49. gr. Stjórnarskráar er kveðið á um, að á meðan Alþingi er að störfum má ekki setja neinn alþingismann í gæsluvarðhald, eða höfða mál á móti honum án samþykkis þingsins, nema hann sé staðinn að glæp. Enginn Alþingismaður verður krafinn reikningsskapar utan þings fyrir það sem hann hefur sagt á þinginu, nema Alþingi leyfi.

65. gr. Stjórnarskrárinnar fjallar um jafnrétti, þ.e. allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Konur og karlar skulu njóta jafns réttar í hvívetna.

Ef allir eiga að vera jafnir fyrir lögum, hvernig stendur þá á því að Alþingismenn séu friðhelgir þessi fjögur ár sem þeir sitja þing. Er stjórnasrkáin að brjóta á sjálfri sér? Njóta alþingismenn meiri réttinda en hinn almenni borgari? Ef svo er, hvaða réttindi hafa þeir umfram aðra þegna þjóðfélagsins, hvað varðar stöðu þeirra sem alþingsmenn. Þeir fá hærri ellilífeyri, þeir hafa rétt til þess að hefja töku hans fyrr en aðrir, auk þess að geta farið á eftirlaun og haldið áfram störfum á almennum vinnumarkaði án þess að skerðing hljótist af.  Allir eiga að vera jafnir fyrir lögum!

Á  Alþingi Íslendinga, eru sett m.a. fjárlög, þar sem kveðið er á um hve miklu skal eyða hvert ár í menntamál, heilbrigðismál, samgöngur (ferjur), ráðstöfunarfé hvers ráðuneitis og fleiri málaflokka. Við innkaup ríkisins þurfa að vera til staðar fjármunir eða fjárheimildir til greiðslu á vörum, verkum og þjónustu. Almennt tekur forstöðumaður stofnunar ákvörðun um slík innkaup í samræmi við heimildir sínar. Þrátt fyrir að þetta séu fjárlög sem eru sett á hinu háa Alþingi, af alþingismönnum, brjóta alþingismenn þessi lög ár eftir ár, án þess að þurfa að svara fyrir brot sín. (Má þá nefna Grímseyjarferjumálið.)

Hinn almenni borgari þarf að fara eftir settum reglum og ef þeim verður á að brjóta einhverjar þeirra, þurfa þeir að svara fyrir brot sitt. Hvernig er þessu háttað þegar til afplánunnar alþingismanna kemur. Við vitum að alþingismaður hefur þurft að afplána dóm á Íslandi og sú afplánun vekur upp þá spurningu hvort hann hafi notið meiri réttinda en hinn almenni fangi. Það kom þannig fyrir sjónir almennings að hann hefði meiri möguleika á að vinna í sínum persónulegu málum innan fangelsisveggjanna, má m.a. nefna flutning stórgrýtis vegna listsköpunnar sinnar og endurnýjunar á rúmum í fangaklefum.  Hann gerði margt gott fyrir fangelsisstofnaunina á meðan hann dvaldi innan fangelsismúranna og á hrós skilið fyrir það. En hvað sem því líður, þá var hann fangi og ekki í hans verkahring að sjá um þessi málefni. Bendir þetta ekki til þess að hann hafi haft meira frelsi en aðrir fangar? Þar sem dvölin kom út eins og heilsuhæli en ekki betrunarhæli, eru þá einhverjar líkur á því að hann hafi yðrast gjörða sinna, því ef svo er, eiga þá ekki allir fangar rétt á þessu? Allir eiga að vera jafnir fyrir lögum!

Þeir sem kosnir eru til Alþingis eru í því lykilhlutverki að vera fyrirmyndir þegna samfélagsins. Hér hefur aðeins verið fjallað um örfá atriði sem stangast á við að allir séu jafnir fyrir lögum, samkvæmt stjórnaskrá. Það virðist því pottur vera brotinn. Það er spurning hvort ekki þurfi að þrengja lagarammann á þeim forsendum að alþingismenn eru eflaust að misnota vald sitt. Er stjórnaskráin barn síns tíma?

 

óver and át

knudsen:D

 

allt til að sleppa undan lærdómi:p

Jæja... sit hérna heima að reyna að læra fyrir lokaprófin... úff hvað maður er orðinn þreittur á þessu... farin að reyna að finna ástæðu á eftir ástæðu til þess að líta aðeins uppúr skólabókunum. en jæja þetta fer nú að klárast... stittist óðum... Seinasta prófið 3 maí..:)

en annars hefur maður ósköp lítið að segja... bara læra læra læra... en littli guttinn minn er með einhverja tilraunastarfsemi á frekjunni í sér... hehe... þetta krútt. hann er hættur með bleiju og orðinn of stór fyrir kopinn þannig að það er bara klósettið sem hann vill pissa í. en sjálfstæðisbaráttan hjá honum er svo mikil að ekki er fræðilegt að fá að hjálpa honum.... og útaf því endaði hann með fótinn ofan í klósettinu núna um daginn... en það breitir engu, hann vill sammt ekki láta hjálpa sér... hehe..

villi frændi ákvað að draga mig með sér á björgunarsveitarfund í gær:) og jamm... ég veit ég sveik lit magga mín... en bjsv Brák er bara svo voðalega langt í burtu... þannig að ég held ég muni bara halda mig við björgunarsveitina hérna fyrir sunnan... :)

svo eru miklar pælingar hjá manni hvort maður eigi jafnvel að bíða með það að fara norður í eitt ár... þannig að halldór geti farið í háskólabrú hérna suðurfrá... ég myndi þá bara byrja í háskólanum hérna og færa mig síðan norður... en ég veit ekki hvað maður á að gera... þarf að fara að skoða þetta..

en jæja ég ætla að segja þetta gott af tuði í bili... líklegast alveg fram til 3.maí... verð víst að fara að sökkva mér í lærdóm... þannig að þangað til næst

óver and át

knudsen

Gleðilega páska

jæja, þá sit ég hérna uppi í sófa í mestum makindum... étandi páskaegg með guttanum mínum og að reyna að finna einhverja leið til þess að hann geti fengið útrás.. hann er svo óvanur því að fá sælgæti að hann verður ábyggilega eins og elding hérna um húsið á eftir... úff... kannski maður sendi hann bara til ömmu sinnar og afa... þau sáu allavegana um að kaupa handa honum páskaegg, á maður þá ekki að leyfa þeim að sjá afraksturinn frá því??:p

En burt frá því litið...

það stittist í að páskahelgin klárist... og þá þarf maður víst aftur að fara í megrun... herbalife bíður spennt eftir mér.... það er búið að vera svo mikið sukk á mér þessa dagana... á fimmtudaginn var ferming, á föstudaginn sat ég heima hjá fermingarbarninu og át og át... úff... síðan í gær varð tengdó 50 ára, (komin á kók aldurinn... 1/2 l.) og auðvitað í dag... hámar maður í sig páskaegg....nammi namm...

en já.... eftir páska þarf ég víst að fara að læra undir lokapróf.. næ mér loksins í stúdentinn 21 maí... trúi því ekki að það sé loksins að verða af því...JIBBÍ....

í Ágúst verður síðan flutt aftur heim á Aukureyri... get eigilega ekki beðið... sakna þess að búa þar... ég fer í háskólann og halldór fer líkllegast líka í nám.... best að nýta þetta ömurlega efnahagsástand í að mennta sig... það er ekkert annað í boði fyrir mann... að minnsta kosti ætla ég ekki að vera einhver sjoppudama... 

en jæja ég ætla að láta þetta duga í bili... er að spá í að fara að háma í mig meira páska egg.... GLEÐILEGA PÁSKA ALLIR:):*

KNUDSEN

óver and át:p

með veikt barn og margar hugsanir

ég sit hérna heima og horfin á littla strákinn minn. virkilega ósátt við heilbrigðiskerfið á íslandi. Vinkonur mínar eru allar mæður og löngu farnar að sofa, svo ég ákvað að stofna blogg síðu og fara að skrifa.

ég er virkilega reið út í heilbrigðiskerfið á íslandi og hef lengi verið. 

þegar ég var 2 ára gömul fór ég að fá köst, í sumar eru 20 ár liðin frá fyrsta kastinu og í 20 hef ég farið í hundruði rannsókna, þó aðalega heilaskannanir. 16 ára gömul átti ég við matarvandamál að strýða, borðaði lítið sem ekkert og ef ég borðaði ældi ég matnum. Með mikilli vinnu og mikilli hjálp frá mínum nánustu komst ég upp úr þeirri grifju, þó ég þurfi enn í dag að minna mig á það að borða, minna mig á það að það er ekki eðlilegt að svelta sig og lifa einn dag í einu, því ég er ætíð svo nálagt því að svelta mig, vitandi að það sé rangt. ég lifi í stöðugum ótta, og get í raun sagt að ég sé hrædd við mat. hann skiptir svo miklu máli, en enn í dag langar mig stundum bara ekkert í hann. en ég hafði ekki hugsað mér að tjá mig um hann hér.

málið er það að í mars hætti ég að geta borðað og át ekkert í að verða 4 daga drakk bara mikið vatn, vatnið var það eina sem ég kom ofan í mig. þetta gerist reglulega, en ég varð svolítið smeik og dreif mig til læknis. en eftir að hafi hangið á spítalanum í að vera 5 klukkutíma varð eina niðurstaðan að senda mig til geðlæknis. þegar til geðlæknis var komið, og ýmis próf höfðu verið tekin kom í ljós að ekkert andlegt vandamál orsakaði þetta listaleysi. en svolítið annað kom í ljós.. þegar sjúkraskýrsla mín var skoðuð sást ákveðið minstur, tengt köstunum sem ég greindi frá hér að ofan. Geðlæknirinn leit með alvarlegum augum á mig og sagði við mig "það bendir allt til þess að þú sért sykursjúk" ég sat og gapti, ég vissi ekki hvað ég átti að segja, stöðugar rannsóknir í 20 ár, og aldrei hafi verið athugað með sykurinn, sykursýki þó ættgeing í minni fjölskyldu. ég á að fara í fastandi blóðprufu eftir páska til að staðfesta þennan grun en ég get ekki hætt að spá í því hvers vegna þetta var aldrei athugað.

ástæða þess að ég sé svona reið er vegna þess að ég mátti ekki stunda íþróttir, fara í sund, fara í tívolítæki, gat ekki farið með son minn í ungbarnasund, baðað hann, og fyrstu mánuði hans verið ein með hann. og ástæðan líklegast sykursýki... margra ára ótti og ástæðan lýklegast sykursýki.... þessi köst eru búin að hamla mér á alla vegu í 20 ár, og mögulega ef þetta er sykursýki þarf ég kannski töflur í mestalagi að sprauta mig og auðvitað halda mér frá sykri og ég fæ þessi köst ekki aftur. en ég ætla mér ekki að tuða endalaust um það, heldur get ég bent á fleirri dæmi.

ég verð ófrísk 2007... og eftir margar læknisheimsóknir segir læknir við mig að fóstrið sé látið og það eigi eftir að eyða sér. ég fór þó og fékk annað álit og kom í ljós að allt væri í lagi... eða allavegana kom fullhraustu lítill yndislegur prins í heiminn 13 mars 2008.  hann grét stöðut fyrstu 4 mánuði lífs síns og þá meina ég grét. hann grét sig ætíð í svefn og ég gat ekkert annað gert en að gráta líka. það breitti engu málið hvað ég gerði hann bara grét. ég leitaði oft til læknis útaf þessu, enda orðin alveg úrvinda af þreitu. á endanum benti vinkona mín mér á að fara með hann til ofnæmislæknis og kom þá í ljós að barnið var með mjólkuróþol og gluteinóþol. loksins fór barnið að sofa.

í desember 2008 byrja lætin aftur.. hann lendir inni á barnaspítala hringsins 4 desember 2008, það hófst þannig að hann var örlítið slappur og síðan á einu augabragði var hann nánast hættur aðanda. ég fór með hann beinustu leið niður á sjúkrahúsið í keflavík og segir læknirinn þar við mig að ég skuli bara fara með hann heim og gefa honum stíl. en á sama tíma og læknirinn segir þetta við mig gengur konráð kvennsjúkdómalæknir inn á stofuna og heyrir andan í stráknum og kallar lækninn til sín. stuttu seinna koma þeir til mín, gefa stráknum eitthvað púst á spítalanum og senda mig með hann til reykjavíkur. þá var hann komin með vírus sem ég get enganveginn munað nafnið á og krúpp barkabólgu. hann lá inni í rúma sólahring og vorum við síðan send heim með stera. strákurinn nær sér fljótt á strik.

en síðan kemur janúar  2009. og hann er settur á pensilín í fyrstu vikunni, 10 daga skammtur. um það bil 4 dögum seinna fer hann aftur á pensilín og svona gengur þetta fram á sumar. þá fékk ég nóg. og fer með hann á barnaspítalann í rannsóknir. og í ágúst kom fékk ég þær niðurstöður að ónæmiskerfið hafði hrunnið í desember 2008. og hefur hann síðan í desember 2008 verið veikur að meðaltali 3-4 daga í viku. og á þessari mínútu sem ég tala liggur hann við hliðin á mér sofandi með 40 stiga hita og hrikalega slæma bakteríusíkingu í eyrum og öndunarfærum, fór með hann til læknis í kvöld því hann fékk nokkra væga hitakrampa. ég fór heim með pensilín og þær skipanir að ef barnið færi að æla þyrfti ég að fara aftur, ef hitinn myndi hækka þyrfiti ég að koma aftur, ef hann myndi ekki sofa þyrfti ég að koma aftur, og yfir höfuð ef einhverjar breitingar yrðu þyrfti eg að koma aftur.

svo ég sit hérna heima andvaka af ótta um að hann fái slæman hitakrampa, andvaka af ótta að hann muni æla og ekki ná að snúa sér. bara yfir höfuð andvaka af ótta.  

ég er orðin þreitt á þessu endalausu læknaheimsóknum, endalausu pensilínum, endalausu pústum og að barnið mitt sé ætíð veikt. það er ömurlegt að mestan hluta ævi sinnar hefur hann legið fyrir og liðið ílla. hann hefur meira og minna verið veikur og ég veit ekkert hvert ég get snúið mér. ónæmislæknirinn spáði meira að segja fyrir því að ónæmiskerfið yrði orðið nokkuð gott núna en hví er hann þá svo oft veikur. er ónæmiskerfið enn bara svona veikt? eða er eitthvað annað að orsaka þessi veikindi? ég veit það ekki og ég veit ekkii hvern ég get spurt. því erfitt virðist að fá svör.

 en nóg af blaðri í bili. kominn tími til að gefa litla lasna prinsinum mínum annan stíl

bless í bili 

knudsen:)